Awe ariba dia internacional di mucha F.A.D.A kier a haci uzo di e oportunidad aki pa felicita tur nos muchanan na Aruba y tambe esnan di henter mundo.
Cada mucha ariba e mundo aki ta special, importante y yena cu potencial.
Si nos tuma un momento cada dia pa scucha y duna atencion na nos muchanan nos lo tin un futuro yena cu profesionalnan entre otro Educadornan ,Politiconan, Mediconan of Deportistanan.
Educadornan y/ of mayornan ban para keto un rato y laga nos scucha kico ta biba den e pensamento y sentimento di nos muchanan sin importa di ki nacion nan ta bin, sin importa kico ta nan clase social y sin importa color di cuero.
Ban sea un ehempel pa nos muchanan, paso nan ta nos futuro di mayan.
Na tur nos muchanan PABIEN un biaha mas ariba boso dia y corda cu cada un di boso ta MASTER.
