Diaranzon marduga Polisnan riba caya a gara un menor di 13 aña ta stuur. E polisnan di Playa tabata tras di e auto riba e caminda di Tanki Flip pa Tanki Leendert. Na dado momento net despues di rotonde di Tanki Leendert a bay duna e chauffeur un senjal pa para. Pa casualidad e pickup tambe a daña net e momento ey. Ora a baha caminda e polisnan a bay atende cu e chauffeur.
A bin topa cu un menor di 13 aña na stuur. Net e tabata riba caminda pa hiba su omo Piedra Plat. Djey e lo a bolbe cas. Con a permiti e menor aki stuur auto den marduga riba caya ainda no ta mucho cla. Si ta bon, e mester ta drumi tambe pa bay scol mainta. Polisnan a dicidi di bay cu e menor warda pa asina avisa e mayornan. E pickup a keda canto di caminda.
