Un famia di Pos Abou cu a caba di entrega keho na Polis contra su mes un famia biba na Primavera, a yega cas na Pos Abou y haya menaza. E famia di Primavera a pasa den un auto para y menaza y bisanan mesora cu nan no tin miedo di Polis. E famia na Pos Abou a pidi Polis cu urgencia. Ora cu Polis a yega a busca basta rato pa e adres. E adres cu nan a duna tabata basta bruha.
A bay na diferente adres prome cu a haya e adres exacto di Pos Abou. Unidad di Polis di Noord y tambe di Playa a presenta. Nan a atende cu e famia na Pos Abou cu a splica kendenan ta esnan cu a bin menaza. Polis a tuma tur detaye. E caso ta conoci caba pa e Polisnan di Playa.
Asina Polis a bay mesora na Primavera pa asina atende cu e grupo di Primavera cu ta causando problema. Un famia parce tin problema cu esnan di Primavera y awor e famia di Pos Abou tambe a haya nan mes den e problema. E cos ta draai rond di un cas despues di morto di un ser keri. Hendenan straño ta ocupa e cas y esey ta birando e problema den e famia. Polis ta spera di por trankiliza henter e situacion.
