Tabata alrededor di 3:30 pm cu polis a presenta cu urgencia na CITGO Sta. Cruz p’un pelea. Na yegada, no a topa cu e bringadonan. A ricibi informacion cu por lo menos un di nan a bay na Shahai na Macuarima. Na yegada, berdad polis a bin topa cu un di e bringadonan.
El a conta polis cu, un otro tipo a menas’e cu arma na CITGO, no a ked’e nada otro pa moketi’e y kita e arma fo’i dje. El a bay den auto y a duna polis e arma estilo glock. Na final a bin resulta cu trata di un arma di plastic. Polis a confisc’e y a conseha e homber p’e entrega keho di menasa contra e otro homber.