Melvin Tromp sorprendi pa e situacion bergonsoso na Centro di Bario Lago Heights, San Nicolas.
Tromp ta pensa cu sea esnan cu ta tuma e decisionan aki no ta consciente di locual nan ta haci of esaki ta e reaccion cu no tin atencion di partí di esnan encarga cu e limpiesa pa loke ta e Ploegdienst nan di Serlimar
Vocero di fraccion di AVP, Melvin Tromp ta ta vocifera cu e area aki, bou encargo di e Gobierno anterior pa medio di e input di e ex Minister Tico Croes, a traha un Centro di recreo pa loke ta e area di Centro di Bario Lago Heights p’asina por delita e muchanan di bario y vecinadrio, pa practica deporte sanamente pa awe e pueblo mira kiko ta e resultado. Un desaster di acumulación di sushi cu innecesariamente mester tuma lugar.
Melvin Tromp ta pidi pa autoridad di tanto DOW como tambe di Serlimar pasa regla y deshaci e desperdicio/situación aki cu no solamente ta un mahos bista pero mirando cu hopi turista ta frecuenta e area. Ta un ruta cu mayoria ta tuma pa bay disfruta di nos beach den sercania.
Pregunta cu ta surgi y dirigi na e Minister Presidente Wever Croes, cu a core tuma e cartera di ex Minister Oduber temporario, si e por duna instruccion pa Ploegdienst encarga pa nan por ta más activo pa evita e desasternan aki
Pa finalisa Melvin Tromp ta haci un apelacion na e hendenan cu ta haci e actonan aki pa no sigui cu e tiramento di sushi nan aki pasobra bo ta cometiendo un acto contra di bo mes un bario.
