Melvin Tromp (AVP): Minister Otmar Oduber a cera boca di Rocco Tjon

Vocero pa Partido di Pueblo Arubano AVP, Melvin Tromp, a reacciona riba declaracionnan di Parlamentario Rocco Tjon, Lider di Fraccion di MEP: “Den un forma di bati boca pero no ta haci nada, kier bolbe hunga cu inteligencia di pueblo, pa falta di curashi y kier mas bien hunga rol di un cos cu e no ta!”

Despues cu Rocco Tjon a sali manera un tiger brabo contra e maneho cuestionabel di Minister Otmar Oduber, e Minister encarga cu SERLIMAR, nos a ripara cu Otmar Oduber como Ministro cu tin e coalicion aki di tres na cadena pasobra t’e ta manda y obviamente a manda Rocco Tjon cera su boca pa e no papia mas y a pasa nan un 6 pa un 9, di acuerdo cu e Vocero di AVP.

El a sigui bisa cu despues cu a nota con Tjon a sali gruña manera un tiger brabo riba e cobramento di sushi awor kier papia un biaha mas cu probablemente e cobranza pa Serlimar recohe bo sushi na Januari 2019 tambe lo wordo para y no lo bay cobra. “Aki nos di AVP y sigur Ami mes, Melvin Tromp, ta manda bisa Tjon pa stop di klets y actua pasobra ta abo tin e apoderado di pueblo sinta den Parlamento. Ta basta cu tuma pueblo haci y haci bo trabao”.

Melvin Tromp a bisa cu e crisis den e coalicion aki no tin nada di haber cu e crisisheffing pero mas bien “ta e crisis di nos gobernantenan pa falta di curashi, hendenan sin determinacion y sin principio y mas cu tur cos, hendenan cobarde cu ta sacrificando nan mes y partido y e pueblo aki, pa Otmar no buta un fin na e coalicion di e peor Gobierno cu Aruba a yega di conoce cu den un tempo record a sa di desgracia e pueblo aki”.

Di acuerdo cu Melvin Tromp, Parlamento siendo e organo di mas halto di nos pais no tin voz actualmente. Lamentablemente 12 miembro cu ta sostene e coalicion aki ta puro boca yen di tilin y nada di tilan y sin derecho di vocifera nan desaprobacion pasobra sino fono. “Un boshi tiger di papel ta cana dal den otro morto spanta pasobra no por haci otro pasobra kier of no kier, ta Otmar Oduber como Ministro ta manda y ta dirigi tur e cobardenan aki y e desaster nan aki ta bay sigui pasa y pueblo ta bira e victima pa motibo di tur e silencio nan aki. Melvin Tromp di AVP ta vocifera

Comments

comments