Melodia ta un di e bandanan cu ta compitiendo den e festival Un Canto pa nos Himno y Bandera. E conocido cantante, Kiziah Trimon, a splica cu nan ta preparando caba for di un luna pasa.
Nan tin un total di 4 cantante cu nan ta compañando den e festival di awe nochi, esta e festival di categoria hubenil. Lamentablemente nan no lo ta participando den esun di adulto.
Trimon a comenta no solamente bo ta haya cancionnan criyo, pero tambe bo ta engrandeciendo nos cultura. Como persona, ta aporta na esaki.
Melodia ta invita un y tur pa bin awe nochi na Plaza Betico Croes, y apoya tur e hoben y e grandinan durante e festival aki. Esaki ta duna e extra motivacion y extra push pa sigui haci esaki tur aña.