Melissa Volkov tambe ta un studiante den e limpiesa di boca. Durante entrevista el a splica cu desde 12 aña di edad e tabata sa cu e kier a studia pa e limpiesa di boca. E ta haye leuk pa traha cu hende. E boca ta algo hopi importante, no solamente pa bo apariencia, pero tambe pa bo curpa. Esaki tin conexion cu bo curason y tambe cu sucu.
Desde cu el a cuminsa e estudio e tabata sa cu e lo kier sigui cune. Na prome instante e tabata dificil e prome aña, pero esey no a kita cu e lo kier keda haci’e.
Esmee y Melissa a siña hopi durante nan stage na Aruba
Esmee y Melissa a siña hopi durante nan stage na Aruba. Click e link pa mas https://24ora.tv/2PR6qkr
Posted by 24ora on Tuesday, May 7, 2019
Tambe el a splica dicon a kies pa stage na Aruba. Nan a haya chens pa stage pafo di Hulanda segun Melissa Volkov.
Otro studiantenan a bay Portugal. Pero Volkov a haya leuk pa bay Aruba, pasobra el a yama hopi su atencion pa bay un otro parti di mundo. El a haya interesante cu e estudio tabata diferente dos aña pasa y awo, tin un cambio grandi y ainda tin mas pa haci. Como mondhygienest nan por haci independientemente, traha cu e boca. E mondhygienist actualmente ta tumando over for di e dentistanan, mirando cu tin poco actualmente. E ta contento cu nan por haci mas trabao independiente.
E experiencia na Aruba tabata hopi bon cu Mirto Tromp cu a guia nan stage segun Melissa Volkov. Apart di esey nan ta siña diferente truco cu ta importante durante limpiesa y ta cosnan cu na Hulanda nan no ta siña.
Awor aki nan ta coriendo un stage di un luna y mey. Mirto Tromp a guia nan hopi bon, segun Volkov. Fuera di esey, nan ta siña e sistema, con pa haci e instrumentonan limpi fuera di e tratamento di pashent.
Loke nan ta siña ta varios metodo cu nan por aplica durante e trabao diario, cual na Hulanda e ta bay un poco diferente.
Volkov a splica cu nan ta puntra basta hopi, vooral na comienso den e prome dianan, pasobra ta hopi cos cu ta sosode diferente. Pero awo nan ta mas den ritmo.
Higiena ta importante
Volkov ta conta cu higiena ta hopi importante, pasobra ta traha cu hopi sanger. Nan ta traha bao di e encia unda cu tin hopi bacteria y sanger presente. Pesey ta importante pa traha higienicamente. Nan ta bisti pañanan special pa sina evita cu tin algun contagio. Tambe semper nan ta haci cosnan limpi cu alcohol. E materialnan semper nan ta sterilisa hopi bon. Ta algo cu nan ta haci na Aruba y Mirto Tromp ta mira hopi riba e detayenan. Si e mira algo robes, e ta hala nan atencion. E ta hopi estricto pa loke ta trata higiena.
Volkov sigur ta bay Hulanda bek cu un experiencia grandi y bon.
