E Colegio di supervision financiero (Cft) ta warda e presupuesto revisa di aña 2019, e plannan pa reforma e presupuesto 2019 y e maneho pa pone e parti financiero na ordo cu masha interes. CFT a discuti e revision di e presupuesto cu e Ministro di Finansas y a pidi e ministro pa finalisa e plannan aki a corto plaso.
Desde comienso di e aña aki Sint Maarten ta revisando e presupuesto di aña 2019. Esaki ta den cuadro di e consehonan anterior di Cft pa baha e gastonan presupuesta y asina tambe reduci e deficit. Pa evita un deficit structural Sint Maarten ta pensa di reforma e departamento di impuesto y asina elabora un plan conceptual pa esaki.
Cft ta respalda e necesidad pa fortalece e autoridad di impuesto di manera cu e cumplimento fiscal ta aumenta y asina sigui aumenta e ingresonan. Cft ta conseha Sint Maarten pa tuma e medidanan necesario pa implementa esaki a corto plaso. E conseho aki tambe ta aplicabel na e plan pa mehora e maneho financiero. Pa luna di october Sint Maarten a compromete su mes pa entrega un plan pa mehoransa cu ta keda dirigi den un declaracion di auditoria aprobatorio den e cuenta anual di aña 2021.
Cft a convoca un medida pa reduccion di costo a corto plaso pa e gastonan di salud- y pensioen. Cft ta expresa su decepcion cu e ahuste priminti door di e ley de pensioen cu no a keda implementa prome di januari 2019. A entrega e ley di pensioen di aña 2018 na tempo na Parlamento pero esaki no a conduci na un decision manera priminti. Pa loke ta trata e atraso di pagonan di Sint Maarten, Gobierno di Sint Maarten mester yega acuerdo di pago cu e creditornan mas importante (SZV y APS) y cumpli tambe.
Un bes mas, Cft ta yama e atencion tocante e finalisacion di e proceso di hustificacion pa completa e proceso di pago di e añanan anterior. E cuentanan anual di 2013 y 2014 a keda entrega na Parlamento na aña 2018, pero esaki no ta aproba ainda. E cuentanan anual di 2015 y 2016 ainda no ta entrega na Parlamento. Y esunnan di 2017 en 2018 mester traha riba nan ainda.
E cifranan di aña 2018 ta mustra un deficit inferior cu locual a presupuesta. Esaki ta debi principalmente na e ingresonan mas halto y mas tanto e ingresonan fiscal cu tabata presupuesta. Apesar cu e deficit ta disminuyendo toch Sint Maarten tin mester di e apoyo di likides pa e añanan 2018 y 2019. Sint Maarten a haci peticion na Hulanda pa aumenta e apoyo di likides cu ta aumenta en relacion cu e debe. Ademas un prestamo previsto pa e gastonan di captial y posibel otro documentonan di finansas por tin influencia riba e desaroyo di e debe. Cft ta keda supervisa e desaroyo di e debe pa mantene un posicion sostenibel. E supervision di Cft Curaçao y Sint Maarten a bishita Sint Maarten di 11 te cu 13 di februari ultimo y a dirigi combersacionnan cu e Gobernado, Ministro di Finansas, Conseho di Ministro. Conseho Consultativo, Director di Oficina Nacional di Programa di Reconstruccion y Departamento di Seguro Social y di Salud.
