Mayor y amigonan di Chaim de L’isle a reuni na e crusada di Alhambra, unda cu e hoben ciclista a haya accidente. Nan a bin pone bela cu flor caminda cu Chaim a cay na e sitio. Tanto e mama como tata di Chaim a manda un mensahe pa tur hende cu ta riba caya.
Mama di Chaim ta pidi pa tin un luga traha pa e hobennan por core bicicleta na un manera safe. E mama bisa cu e no ta rabia pa esun chauffeur cu a dal su yiu. E ta pidi pa tin siguridad pa tur mucha cu kier core bicicleta. E ta haci e peticion no pa su yiu, sino pa tur esnan cu ta core bicicleta. Durante e reunion di amigo y famianan, e tata di Chaim a haci un oracion cu ta den otro tera, teranan desconoci.
Tanta di Chaim tambe a comenta cu e ta gradici e grupo di diadomingo, cu a tuma e prome iniciativa. E iniciativa di e famianan tabata pa bin riba e ultimo dia di aña, pa celebra bida di Chaim y tambe a trece un mensahe pa henter comunidad.
Por ultimo e tanta a bisa cu e asunto aki no lo keda asina y cu ningun hende no lo lubida Chaim.
Sigur tabata un momento hopi emotivo cerca esnan presente na e tributo na Chaim.
Ta pidi pa tur hende bay poco poco riba caminda, comporta riba caya. Nos tur kier habri un aña cu felicidad den tur hogar. Y awor aki, e famia aki a perde un ser keri, net na cambio di aña y ta sufriendo pa esaki.
