Un gran mayoria di experto ta mira un recuperacion di turismo internacional na 2021, particularmente pa e di tres kwartaal di 2021, mientras cu en general un 20% ta kere cu esaki lo sosode te na 2022.
• Mayoria di experto no ta mira un regreso na e nivel pre-pandemia di 2019 sino te na 2023
Pa regionnan, mayoría di experto ta mustra cu lo yega bek na e nivelnan di 2019 te na 2023 of mas despues segun esnan di Europa (74%), America (71%) y Asia y Pacifico (66%). Na África y Medio oriente, e proporcion aki ta di 60% y 50%, respectivamente. Mita di esnan encuesta na Medio Oriente, y 40% di esnan di Africa ta spera cu e recuperacion di e nivelnan di 2019 lo bini na 2022.
• Expertonan ta considera e restriccionnan di biahe e principal obstaculonan cu ta pisa riba e recuperacion di turismo internacional, hunto cu e control slow di e virus y e confiansa cua cay cerca e consumidornan. E falta di un reaccion coordina entre e paisnan pa sigura un protocol harmonisa y restriccionnan coordina, como tambe un ambiente economico deteriora tambe ta identifica door di expertonan como obstaculonan principal pa un recuperacion.
Di otro banda, reanudacion di vuelonan den forma lento ta un factor menos determinante compara cu esnan ariba menciona. Tur esaki ta para den resultado di un encuesta haci door di World Tourism Organisation di Nacionnan Uni.
