Mayor ta denuncia: Festival Infantil y Hubenil di Caiso y Soca no tabata husto

3549

Pa varios simanan caba tin algo ta molestia mi pero mi tawata duda si mi lo manda mi opinion prensa pa asina nos pueblo tambe por ta na altura kiko ta pasa y pakiko hopi mayor ja no ta of kier laga nan yiunan participa na festivalnan di carnaval. Mi a dicidi di manda mi opinion prensa pa motibo cu varios mayor no kier bisa nada door cu e ta un festival di mucha, pero e ta keda den mi opinion un competencia y locual a pasa den e festival aki no por pasa mas.

Den luna di januari tawata tin un bunita festival di Calypso & Roadmarch pre infantil, infantil y hubenil den Carnival Village y un conocir dimi a laga su yiu participa. Pa prome ami ta pensa tin biaha pakiko e festival aki ta existi paso di baina e canticanan di mucha ta wordo toka. Den mi opinion esey ta plaka perdi pa e mayornan.

Dia di festival mes tin varios punto cu ami como musico ta wak cu por a bay miho, por ehempel mi tawata puntra mi mes si a aplika regla. Tawata tin un cantica plagiaat y a cay den finalista, ki strafpuntennan a wordo duna? Of stafpunten tawata hopi abou?y asina tin hopi mas pregunta.

Pero e duda di mas grandi tawata ora e mayornan ta puntra pa scoringsheet y mester a warda simannan pa e scoringsheet paso comishon y SMAC ta bezig cu tumberito. Y ma kere tur cos a bay digital? Ta un click bo mester pa por hasi un uitdraai of hasi un meeting di evaluacion pa asina por duna oportunidad pa tur hende por duna nan opinion. Asina ki ta crea duda serca mayornan.

Despues cu a haya e scoringsheet tur mayor por a ripara un fout grandi cu a wordo hasi. A conta den e score final costume tambe. Den niun festival di canto un costume no por tin mesun peso cu e voz, articulacion etc y mi no ta kere esaki a wordo palabra prome. Esey kiermen cu den pre final e finalistanan no ta manera a wordo saca y den infantil e ganador ni e finalistanan no ta bon saca. Ken a controla esaki? Tawata tin un presidente di hurado of un persona di SMAC pa controla? Esaki Smac ta haya husto? Den un festival di mucha ta hasi esaki ? Esaki nos kier sinja nos muchanan? Tur hende por hasi fout, pero e grandesa ta ora bo admiti bo fout, rectifica y enfrenta cosnan cu no a bay mucho bon. Mi ta spera cu otro anja por bay miho y cu ainda tin mayornan cu lo laga nan yiunan participa paso un festival semper mester keda husto.

Mi ta haya husto cu pueblo sa kiko ta pasa y despues no ta puntra pakiko mayornan ta pensa 2 biaha prome cu manda nan yiu un festival.

Y asina nos carnaval ta cabando.