Diasabra a tuma luga e partido entre Aruba y Chinese Taipei. Un wega cu lastimamente no a termina na nos fabor.
Coach di seleccion, Max Arendsz, a indica cu no mester lubida cu ta trata di wega di mucha. Tur cos por pasa. Tabata un honor di por a dirigi e muchanan aki.
E unico careda cu Chinese Taipei a score riba Aruba, tabata door di un “mental glitch” na tercera. E presion di wega aki por traha hopi riba nan salud mental y p’e traha riba nan salud mental ta mas importante cu resultado di wega.
Wega di toque
Hopi di e comentarionan tabata relaciona ci e wega di toque, riba cual Arendsz a bisa cu eybou tabata un wega di “do or die.” E intencion tabata pa pone coredo den “scoring position.” Y esaki ta loke a pasa, ta sacrifica un out pa e coredo por avansa.
Tabatin mas intento di toque, pero lastima cu esakinan no a resulta. Si esaki a resulta, e score por tabata otro.
E muchanan a duna tur cu tabatin! Nan meta tabata pa yega semi-final cual nan a logra y nan a duna un ultimo bataya contra Chinese Taipei.
Tin di bisa si cu Aruba a haci un tremendo trabou, wantando e wega.
Team Caribbean, Aruba ta super, mega orguyoso di boso!! Pa Aruba completo, boso ta nos campeonnan.
Aruba ariba!
