Tur hende a keda sorprendi riba un vuelo di Merca pa Aruba. E pareha Sanchez y Sydney tabata riba nan prome vakantie pa exterior y no por a cuminsa mas miho.
Sanchez a sorprende su amiga cu un proposicion di matrimonio abordo di e avion y den pleno vuelo. Esaki a wordo filma y e grabacion aki a bira viral.
Sanchez, kende ta un fitness instructor, a bisa di ta hopi contento cu e resultado. “Esaki ta un di e miho dianan den mi bida. Mi a haya e chens pa sorprende mi miho amiga cu un proposicion matrimonial.”Sydney no tabata sa di nada y ora cu nan a yama Sanchez via di speaker, su prome pensamento tabata cu el a gana un premio of algo asina. Tur esey tabata forma parti di un plan. Canando bayendo dilanti, el a tuma e microfoon y a bira mira Sydney y a puntr’e “Bo kier casa cu mi?”.
E potret cu a wordo saca ta mustra Sydney cu un cara sorprendi ainda ora cu Sanchez a caba di bisti’e e renchi di compromiso. Despues el a conta “awa a yena mi wowonan. Y naturalmente mi a bisa “si”.
