Diabierna atardi alrededor di 4:30 pm doño di un Nissan Tiida color shinishi a informa polis di un caso menos bunita. Un mata a cay por completo riba su auto, cu consecuencia cu e auto no por move bay ningun caminda. Polis na nan turno a informa DOW di e caso. Personal di DOW a cera caminda y cuminsa cu e proceso pa corta e mata.
Despues di basta rato, a logra corta e mata y e chauffeur a saca e auto. E auto casi no a ricibi daño. Personal di seguro a documenta e caso aki. E situacion aki a sosode net pabou di Courtyard by Marriott.
