Recientemente a tuma luga un demostracion na La Vista Restaurant, caminda cu chef Taka Kondo y su casa chef Karime Lopez, a trece varios ingrediente for di Italia, por ehempel cherrynan cu ta den season, segun Stacey Banfield, gerente di mercadeo y comunicacion.
Tambe nan a bin cu ingredientenan di nan, pero alabes uzando ingredientenan local. Cu combinacion di esaki nan a prepara cumindanan riba e anochi aki. Durante aña Marriott ta haci diferente eventonan culinario. Manera awor aki nan tin e chefnan aki di Italia. Tambe ta invita chefnan for di Mexico, Peru y di otro partinan di mundo. Tur luna tin algo caminda cu nan ta prepara den La Vista of den lobby.
Teddy Bouroncle, Food & Beverage Director, a splica cu e dos chefnan aki ta e mihonan di mundo. Ambos chef ta traha pa restaurant Massimo Bottura na Italia cual ta wordo considera como e mihonan di mundo.
Riba e anochi aki, chef Karime for di Mexico y chef Taka for di Hapon, kendenan ta casa cu otro, y ambos ta headchef. Normalmente nan ta cushina cuminda Italiano tur dia. Pero na e ocasion aki a pidi nan pa nan traha nan propio plato for di nan pais. E biaha aki nan a cushina algo Mexicano y Hapones, cu un toke Italiano, algo cu ningun caminda na mundo ta haya, segun Bouroncle.
