Master Eric Barry presente na e training di TK5 pa Surinam

294

Diasabra ultimo tabata tin training na Tarcisius Kleuterschool pa forma e teamnan pa Surinam. Nos a manda varios mail pa e otro scolnan di Taekwondo y a pone e deadline pa dia 13 di Januari. Nos a logra forma un team di Cadet di TK3.

Master Eric Barry di San Nicolas Taekwondo Center tabata presente na e training pa mira con duro e preparacion ta pa e teamnan.
Arthy Lie di Surinam a yama e nochi prome y a puntra pa e siguiente atletanan: Joshua Klabér, Rasheed Lowe y e gele haar jongen cu ta Jahmani Eisden. Arthy Lie su scol ta bay cumpli 15 aña y e kier pa e evento aki ta uno grandi cu varios team for di Aruba. Arhty Lie tin hopi sed pa gana Aruba, mirando cu 10 aña pasa Aruba a bin bek for di Surinam yorando di e sota cu nan a haña y awe nos tin 6 aña consecutivo ta gana e copa di TK5 na Surinam.

Master Eric Barry a para referee varios biaha y tabata testigo di e logronan di Aruba y e aña aki un biaha mas Master Eric Barry ta bay ta testigo di e teamnan di Aruba.

Aruba ta conta cu dos team pa e di 7 TK5 na Surinam. Un team di TK3 di e categoria di Cadet cualnan ta e siguiente atletanan: Joshua Klabér, Rasheed Lowe y Jahmani Eisden. Un team di TK5 di e categoria di Junior cualnan ta e siguiente atletanan: Roaul Baarh, Nathan Fradl, Hakeem Lowe, Záhyon Klabér y Shaquille Barry. Jourdé Klabér ta bay coach e dos teamnan na Surinam.