Awe un biaha mas a sali un vuelo di repatriamento pa Venezuela, solamente pa pasaheronan registra. Tur esunnan cu a bula bek pa Venezuela mester a tene cuenta cu diferente punto pa por a aborda e vuelo aki.
Xiomara Ramone a bin Aruba pa vakantie, pero na momento cu e mester a bay bek no por a haci esey door di e situacion di COVID-19. E no tabata facil p’e pero e ta contento di por regresa su pais aunke cu tin yen di dificultad. Pa nuebe luna el a keda na cas di un amiga, cu a yud’e.
Rafael Medina ta un inversionista y tin su propiedad na Aruba, pero ta na Aruba door di e pandemia pa dies luna caba. E reto cu el a topa cu ne tabata cu nan negoshi no tabata produci. Nan a haya un bon trato y ta adora e isla. Pa nuebe aña nan ta bay y bin y a indica cu nan lo sigui inverti na Aruba.
Darwin Gonzalez tabata na aeropuerto cu un persona cu ta bay bek Venezuela. El a splica cu di mira hende bay bek ta bon, pasobra hopi hende ta pasando malo aki. E ta haya cu esnan cu tin oportunidad pa bay bek nan pais ta algo bon. Gonzalez a yuda esnan cu tabatin mester di esaki, pasobra e ta haya ta obligatorio pa un yuda otro.
