Mas palo di lus ranca riba e caminda di Keito diadomingo

 Velocidad halto y poco atencion riba caminda a causa cu e chauffeur di e BMW color blauw numera A-4497, biniendo for di noord bayendo zuid riba e caminda di Palm Beach pa Keito a accidenta. E chauffeur  no a paga tino cu tin un baricada pone pa motibo cu un rato prome un otro palo di lus a wordo ranca. E chauffeur cu e BMW a pasa dal e baricada kibra y bay dal den e palo di lus. E BMW a keda basta kibra y e palo di lus tambe. Alrededor di 12or di merdia ora cu e personal di Elmar tabata bezig cu trabounan pa pone un palo di lus nobo, a haya mas trabou pa haci. E area di Keito cu Gasparito etc ta constant tin palonan di luz ta kibra sea nan so of auto ta dal kibranan. Bisiñanan tin masha malasuerte pasobra hopi biaha ta net riba diadomingo of weekend e cosnan aki ta sosode y stroba nan dia cu kizas nan kier laba paña etc pasobra den siman nan ta traha.