Manera cu nos a anuncia desde october aña pasa, Anerican Airlines lo start vuelonan directo pa y for di New York pa Aruba desde diasabra awor. Lo bula cu un avion Boeing 737-800 cu capacidad di 16 stoel den First Class y 144 stoel den “Main Cabin”. E vuelo lo sali for di aeropuerto La Guardia pa 8:30am y yega Aruba pa 1:14pm. E mesun avion lo sali bek pa 2:10pm y baha na La Guardia pa 7:00pm. Esaki ta di 6 vuelo directo di American Airlines pa Aruba.
American Airlines ta un di e aerolineanan mas grandi den operacion di Aeropuerto di Aruba, alrededor di 18%, cu buelonan directo for di Aruba pa Miami, Philadelphia y Charlotte. American Airlines tambe ta opera buelonan semanal directo for di Dallas, Texas y Chicago, Illinois. Awo cu e extra buelo aki for di La Guardia, American Airlines lo bolbe tin un presencia den area di New York cu buelonan directo pa Aruba.
American Airlines ta ofrece un averahe di casi 6,700 buelo diario pa 350 destinacion den 50 pais. E aerolinea ta un miembro fundado di e oneworld®️ alliance, cu su miembronan ta ofrece casi 14,250 buelo diario na 1,000 destinacion den 150 pais.
