MAS: Gobierno lo paralisa tur gasto y inversion

Dia 28 di september ultimo, Minister di Finansa mr. Xiomara Maduro a manda un carta dirigi na e hefenan di departamento, cu entrante dia 5 di october y tambe november, no ta bay ta posibel mas pa tur e departamentonan di gobierno pa sea haci ordo of haci inversion, enfatisando cu e ta conta tambe pa parlamento, Raad van Advies, Algemene Rekenkamer y DOW.

Segun fraccion di MAS, Marisol Lopez-Tromp, e motibonan treci dilanti den e carta ta ilustra cu nos pais ta den un situacion financiero dificil. Tambe a trece den e carta dilanti cu ta culpa atrobe di pandemia, y tambe a pone cu e placa di Hulanda cu ta para.

Pero ki implicacion y consecuencia esaki tin p’e departamentonan y esunnan cu mester ta sirbi cu e trabaonan aki.

Tur hende sa cu a trata e presupuesto di pais Aruba laat. Mester a trata fo’i aña pasa y esey no a sosode. A trat’e dia 23 di juli e aña aki. Mas cu seis luna por bisa cu gobierno no tabatin mag di inverti segun ley. Cu inverti ta compronde cu ta haci trabao caminda cu ta sigui procedura di destaho publico, uzando placa di pueblo pa proyecto cu tin cu sosode.

Tambe den e caso aki tambe a referi pa e minister cu ta corta of paralisa e parti di ‘goederen en diensten’, cu ta nifica por ehempel si un departamento kier ordo algo den enseñansa, manera buki of cualkier cos cu nan kier haci trabao. E ta conta pa tur departamento, no ta posibel mas.

Loader Loading…
EAD Logo Taking too long?

Reload Reload document
| Open Open in new tab

Download [43.18 KB]

E departamentonan cu aworaki ainda ya ta cla pa haci cierto ordo, aparentemente lo por hacie ainda.

Pero desde e fechanan anuncia, no por mas. Mientras cu tin un presupuesto cu ta aproba y core te cu december 2021 y e hecho cu a perde casi seis pa shete luna cu por haci inversion, ta nifica cu apenas dos luna e aña aki tabatin habri pa e departamentonan prepara pa nan por haci nan inversion.

Pa cobertura mas amplio lesa edicion di TREMPAN mañan.