Polis a presenta na un cas na Brazil caminda cu un problema familiar, riba asunto di huur, a bay for di man y polis mester a interveni.
Diadomingo anochi, aproximadamente 6:45PM, unidad di polis di districto di San Nicolas a presenta na un cas na Brazil pa atende of intermedia den un problema cu a surgi entre famia cu famia bibando na dicho cas.
Locual por a compronde ta cu un parti di e famia kier “ruim op” tur pertenecia den e cas y desaloha esnan cu ta ocupando e cas na e momentonan aki (cu porcierto ta na mes un famia). Y di otro banda, esnan den e cas no ta desea ningun momento di bandona nan hogar.
Na sitio e tension tabata halta y rato pa rato e stemnan tabata bay mas halto. Y pa ora cu a pensa, descucion a bira basta fuerte. Locual un di e partidonan tabata bisa ta cu e familiar tin shete pa ocho luna bibando den e cas sin paga huur.
Mientras e otro ta bisa si e sa paga rato pa rato. Entre tanto, mas y mas famialiar tabata yega sitio, te caminda polis mester a intermendia. Cos a hera bay asina for di man, pero polis a intermedia y reestablece trankilidad entre e dos partidonan.
