Mas di 60 pashent a yega for di Sint Maarten

Manera cu director di Imsan, dr. Joel Rajnherc y tambe director di Departamento di Salud Publico a splica diabierna, por lo menos un 64 pashent a yega ayera nochi for di Sint Maarten, di cual mayoria di nan ta pashentnan cu un ke otro malesa cronico, entre nan pashentnan cu tin cu haci uzo di dialyse. Minister di Salubridda, dr. Alex Schwengle tabata na aeropuerto na momento cu e pashentnan aki a yega. Na e sitio, varios departamento, entre otro DVG y tambe personal specialisa den cuido, tabata tey presente pa asina haci manera un tipo di triage, pa asina manda esnan cu mas tabata tin mester di asistencia di biaha pa hospital. E otronan a wordo reparti entre Imsan y Hospital mes pa asina haya nan tratamento di dialyse. Den e proximo dianan, nan lo haya asistencia, te ora cu pais Sint Maarten por bin bek riba pia y nan por bay bek nan pais pa asina nan por sigui cu nan tratamento cu nan tin custumber cun’e. Pero pa awor aki, Aruba a habri man y ricibi su ruman y tanten cu por, e pashentnan lo ricibi nan ayudo medico.
Tin cu agrega cu pa 10’or y 15, lo bay tin e ultimo avion cu lo ta bahando cu 28 pashent, di cual 2 di nan ta na estado.