Mas di 400 famia a ricibi bishita di Ajudo na Aruba

Ayudo na e comunidad ta un esfuerso di hopi hende y entre e gran mayoria di boluntario ta Hulandesnan riba nos Isla. Diabierna mainta un biaha mas ta sali den comunidad un grupo grandi di boluntario cu ayudo pa tur cu ta den necesidad.

Annelot Muijres a conta cu nan intencion/ meta ta pa yuda mas hopi hende posibel, no ta importa si ta legal of esnan cu a keda ilegal riba Aruba, esaki no ta di importancia pa nan. Tur hende cu ta den necesidad, cu yiunan chikito y cu ta pasando den tempo dificil ( of pasando hamber ) ta esnan cu nan lo yuda.

E grupo ta consisti di diferente persona incluyendo Venezolano/ Colombiano y localnan cu ta carga un curason grandi y dispuesto pa yuda e comunidad surpasa e crisis aki.

Donacion ta drenta di varios caminda y den diferente forma, manera den efectivo for di Hulanda y Merca como tambe for di aki mes. Pero tambe ta haya cooperacion cu prijs special ta importa productonan pa asina yuda e comunidad. Localmente tambe ta ricibi producto y cuminda cu ta bay directamente na e comunidad cu tin mas mester di dje.

Annelot ta remarca cu e nececidad ta grandi den e pueblo. Poco ta esnan cu a cuminsa drenta bek Mercado laboral pero otronan cu ningun tipo di entrada cu ta pasando den tempo hopi duro, tin huur/ gasto pa paga mientras no ta yega pa cuminda den nan hogar. Tambe ta menciona cu hopi ta esnan cu ainda no a ricibi e ayudo di Fl.950,= di Gobierno y cu incertidumbre cu no tin cuminda riba mesa. Akinan e ayudo ta drenta y sigur ta purba na alivia e nececidad mas cu por.

Mas di 400 famia a ricibi bishita di Ajudo na Aruba

Mas di 400 famia a ricibi bishita di Ajudo na Aruba

Posted by 24ora on Friday, May 29, 2020

E boluntarionan ta yega bou pito y alegria, cu nan uniform cora pa asina reconoce nan. Ta sigura e comunidad cu nan por confia den nan, cu nan intencion ta uno bon y cu nan por sali trankil for di nan cas pa ricibi e donacion cu lo yuda por lo menos pa dos of tres dia. Ta inclui pampers tambe den algun caso pa asina nos tur por sobrevivi e crisis aki.

A compronde cu esaki ta e di cuater biaha cu e grupo di boluntario Ajudo ta drenta e barionan, tur dialuna y diamars pa mas di 6 siman caba cu aproximadamente 350 pakete di producto pa e famianan den nececidad. Porcierto awe a toca turno na Oranjestad.

E ricibimento ta abrumador, algun cu lagrima na wowo y agradecido pa e gesto noble aki. Hopi hende amabel y tambe hopi hende honesto cu ta informa cu nan ta ok y cu no mester di yudansa pero ta gradici e gesto y ta pidi pa yuda esnan cu si mester manera nan bisiña cu ta pasando tempo dificil.