Lighting Parade tabata bunita, cu hopi participante y hendenan na banda. Sinembargo, e tabata tin su peleanan y varios detencion a cay riba diferente parti di e ruta. E aña aki, e detencionnan a triplifica, compara cu 2017, cual tabata 5. E aña aki e ta 17. Remarcabel ta cu 8 di e detenidonan, ta menor di edad. 1 persona tabata mas bieu cu 46 aña, 3 di e detenidonan ta di 15 aña y di e 17 detencionnan, 11 ta bao di 20 aña.
Alcohol mas parti tabata hunga un rol, manera e caso aki, cu a sosode den careda di 11’or di anochi, na altura di Cas di Cultura, unda cu un cabayero, no a sa di comporta su mes y a haci sumamente fastioso. Polis mesora a sa di pone rienda riba dje y hibe warda pa e baha su beis.
Tambe riba LG Smith Boulevard tabata tin un dama cu tabata haci sumamente fastioso, en particular ora cu el a nota presencia di polis, el a haci mas fastioso ainda. Esey tabata un ticket linea recta pa warda, pa e por saca su wayaba.
Den Last Lap tambe tabata tin detencion, caminda cu hendenan tabata haci fastioso. Polis a sa di tuma accion y detene algun persona.
