Algo pasa di 12or diadomingo merdia un Nissan Pickup shinishi cla cu tres persona color scur a bay horta plachi di zink for di un lugar di construccion na Bushiri. Un otro auto Mazda tambe tabata envolvi pa asina yuda coy e zinknan na e lugar.
Polis a yega y e persona cu e wak loke a pasa a conta polis cu en total ta dos auto. Ora polis a bay chek nan lo a bay cu mas di 100 plachi di zink y algun otro material mas for di e lugar. Esaki parce ta pasando desde January y diadomingo tabata e ultimo biaha cu a miranan. Polis a tuma datos di loke tur nan a horta. Ta propiedad priva.
Nan a logra burla di e cura cu tin sera y drenta e propiedad pa pa horta e cantidad grandi di plachi di zink. E propiedad ta keda patras di Price Hackers den area di Bushiri cu Eagle. Cu tur e informacion cu autoridad tin nan lo yega na e ladronnan. E auto ta facil pa reconoce y e number di e auto tambe autoridad a haya.
