Algun siman pasa caba a publica con un ciclista ta core den verboden. Ta core riba Emmastraat den direccion contrario y chauffeurnan cu autonan den Koningstraat pa bay abou ta mira e trafico na man drechi.
Nan no ta spera trafico na man robes y pesey chauffeurnan no sa mira links. Pesey mas cu un biaha ciclistanan cu ta frecuenta e area ta core den verboden y situacionnan asina por presenta. Den oranan di mainta atrobe a sosode e accidente.
E ciclista a mira e auto y tog a sigui core den verboden comosifuera e chauffeur mester tene cuenta cune tambe. Kizas e mester tene cuenta cune como ser humano pa no dale intencionalmente. Pero e ciclista tambe mester ta mas responsabel. E no ta mustra cu el a haya sla.
