Diasabra anochi alrededor di di 11:55 pm polis a para un pickup na altura di New Morning Supermarket na Paradera. E auto tabata core hopi malo riba caminda. Ora polis a bay papia cu e chauffeur, el a spanta e agentenan cu un baf di alcohol fuerte.
Ta tur motibo pa polis haci un test di alcohol cu ne. E resultado no a sali na su fabor, a resulta cu el a surpasa e limite permiti. A transport’e pa ward’i polis caminda un subfiscal lo dicidi sea riba su encarcelacion of libertad. E tabata hunto cu un amigo den auto, e amigo a hay’e ta cana bay cas mirando cu polis a detene e chauffeur betra.
