Mas caso di eror den data di Covid-19 na DVG: Laboratorio ta bisa NEGATIVO y Dokter di cas ta bisa POSITIVO

3225

Comunidad ta sigui reacciona riba situacion iregular cu ta tuma luga pa cu resultado na momento cu ta test pa covid-19. Awe mainta Marcia Albus-Kock a tuma contacto cu 24ora.com pa asina e vocifera su preocupacion publicamente riba locual ta pasando cu su persona.

Marcia prome cu tur cos a comparti e resultado den forma digital cu DVG ta manda tur persona cu ta haci test cu nan. Por a tuma nota claramente cu e resultado ta indica cu e ta negativo pa Covid-19. Pa su sorpresa e dia siguiente ta haya yamada di su dokter di cas caminda e ta haya resultado di su test caminda ta indica cu e ta positivo.

Mas caso di eror den data di Covid-19 na DVG: Laboratorio ta bisa NEGATIVO y Dokter di cas ta bisa POSITIVO!

Mas caso di eror den data di Covid-19 na DVG: Laboratorio ta bisa NEGATIVO y Dokter di cas ta bisa POSITIVO!

Posted by 24ora on Friday, September 18, 2020

Local cu Marcia a indica cu e ta un persona cu ta sufri di Asma, riba dia 15 di augustus el a cuminsa sinti su curpa malo a tuma contacto cu su dokter di cas pa haci test. Nan a tuma contacto cu ne for di dokter di cas y avise cu e tin cita pa haci test na DVG e atardi ey. E mes un anochi resultado di DVG ta drenta digital pa informe cu su resultado ta negativo pa covid-19.

Mientrastanto ayera dokter di cas a tuma contacto cu su persona pero no a haya contacto, Marcia mes a tuma contacto awe mainta cu su dokter di cas y pa su sorpresa nan ta inform’e cu su resultado a sali positivo pa covid-19. Cu indicacion pa drenta isolacion inmediatamente.

Lcoual cu Marcia Albus-Kock ta puntra awo, ta kico e tin cu haci.

E no sa kico pa haci awo! E intencion di e yamada na su dokter di cas no tabata pa resultado pero mas bien pa pidi receta pa paracetamol mirando cu e ta sinti su mes un tiki malo. Pero a haya e informacion cu e ta positivo.Pa kita cualkier duda a manda su ruman muhe pasa na dokter di cas pa mustranan e resultado di DVG y busca e resultado cu nan tin, cual nan a entrega e ruman riba papel.

Marcia di su banda ta conta cu e ta sinti su mes hopi mas miho cu e dia anterior, e ta conta di a haya un griep hopi pisa den luna di december cu a pone seis siman na cama, cu practicamente tabata e mes un sintomanan di Covid-19. Tambe e ta preocupa mirando cu e tin tres nieto chikito cu e ta mira pa nan y awo no sa kico pa haci cu dos resultado den man.

Opinion personal di Marcia ta cu DVG ta trahando hopi malo, e tipo di confucionnan aki no ta prome cu ta pasa. Te cu na e momento akinan niun persona di DVG no a yama cu peticion pa drenta den isolacion, mientrastanto a tuma contacto cu DVG y ta wardando nan yamada. E duda ta algo grandi na e momentonan aki pa marcia, cu no ta sigur si e tin of no tin Covid-19 pero lo mantene su mes trankil te ora haya aclariacion.