METEO: Ta spera mas awasero awe mainta

Awe diasabra mainta pa 7:45am, Servicio Meteorologico di Aruba a anuncia cu un area di nubia cu ta produci awasero ta acercando Aruba. Segun expertonan di e departamento, tin hopi chens cu e mal tempo lo ta compaña pa strena y lamper den e proximo un pa dos ora.

E ultimo dianan aki Aruba ta experenciando basta awasero debi na condicionnan di tempo favorabel pa esey. Luna di october ta resultando hopi “muha” den aña 2018. Meteo lo sigui e tempo masha di cerca.