Diadomingo anochi pasa di 11or dos auto a bolbe dal riba e crusada famoso na Palm Beach. Un Toyota y un Hyundai a dal. Polis a bay na e sitio y personal di Forensys pa documenta e accidente pa e seguronan.
Ambos auto a keda basta kibra. A constata cu algun di e autonan aki no tabata tin tur documento na ordo. Aunke kizas e chauffeurnan mester pone atencion na e borchinan riba e crusada, tog mester remarca cu e problema ta keda pasobra e luznan di trafico ta daña.
Tur dia tin accidente cu hopi daño material y hasta cu hende herida leu leu. DOW a drecha e luz varios biaha. Nan ta hinca algun ora pa drecha e luz y den 20 minuut e ta daña atrobe. Keto bay ta papiando di rotonde como e solucion.
