Aunke cu pa dos aña largo Mary Joan Foundation no a tene actividad debi n’e pandemia, nan ta cla pa ranca sali den luna di october, luna di conscientisacion pa cancer di pecho cu varios actividad.
Entre otro lo tin e collect cual ta tumando luga caba y tambe nan ta en busca di boluntario. Segun Arabella Colina, representante di e fundacion pa por bira un boluntario y yuda cu e collect por tuma contacto cu nan na 5617733.
E otro actividad y esun di mas grandi lo t’e caminata, un walk and funrun cu lo tuma luga dia 30 di october, saliendo for di Eagle Beach. E lo ta un caminata di 5 kilometer y no lo tin categoria.
E tin un costo di 25 florin pa ticket pa por participa y por haya esaki na Mary Joan Foundation mes, cu ta situa na Sabana Blanco 8 for di dialuna pa diasabra di 10:00 am te cu 2:00 pm, unda cu por registra tambe. Fuera di esey por haci esaki online riba nan website www.maryjoanaruba.com. Y tambe por tuma contacto cu nan riba e number 5617733 pa mas informacion riba e actividad aki.
