Directiva di Mary Joan Foundation a keda hopi contento cu e caminata cu nan a organisa den luna di december, y cual a tuma luga diasabra, 3 di december.
Arabella Colina, Presidente di MJF, a bisa cu a opta pa tene e caminata aki den luna di december. Antes nan tabata organis’e den october, pero esaki tabata un luna hopi druk cu diferente otro caminata mas.
A dicidi dpurba luna di december, como ultimo luna di aña y cu ta habri un temporada di comparti cu otro. “Un chens pa pone e luz interno briya y lubida cosnan robes di 2019 pa cuminsa cu luz briyante di 2020 pa tur cos bay positivo.”
E biaha aki a haci e caminata di un otro forma, unda cu e iluminacion a hunga un rol importante, basa riba e idea su tras pa e luz ilumina tur hende pa crea positivismo. E participantenan a cana cu un lampi special.
E caminata a start for di Plaza Nicky Habibe y a cana den un forma mas pasivo, asina tambe cu un luz y conmemora esnan cu nan luz ya no t’ey mas cu nos y esunnan cu t’ey, pa rebiba nan luz cu nan tin y asina por cana pa e bon causa cu ta combatimento di cancer di pecho.
Directiva ta hopi contento na tur cu e duna nan contribucion na e evento aki y tambe e participantenan, cu a logra cu nan luz briya y sinti e ambiente magico cu tabata reina.
dje, unda cu, conhuntamente, yuda tur persona cu ta miembro di Mary Joan Foundation of esnan cu ta famia di e miembronan di Mary Joan Foundation, cu un tiki mas sosten.