Marriott y Asociadonan a haci donacion di 2500 florin na Sgt. Pepper’s Friends

2

Dialuna atardi Aruba Marriott a organisa un dog walk hunto cu Sgt. Pepper’s Friends en conexion cu International Homeless Animals Day p’asina crea conscientisacion pa animalnan riba caya y den necesidad di un hogar.

Asociadonan di Aruba Marriott hunto cu miembronan di Sgt. Peppers y e comunidad local a bini hunto un rato pa asina disfruta di un dushi caminata hunto cu nan mascota. Despues di e caminata, Aruba Marriott a haci un bunita donacion di Awg 2500,- na Sgt. Pepper’s Friends p’asina tambe aporta na e causa pa yuda reduci e cantidad di cacho y pushinan riba caya y pa asina yuda nan haya un “Forever Home”.