Aruba Marriott Resort a organisa competencia di gaita bou su empleadonan

Ayera merdia a tuma luga e prome competencia di gaita na Aruba Marriot. Un total di shete (7) grupo a inscribi pa participa y e evento aki a trece e trahado- y departamentonan hunto, creando mas colegialidad. E periodo prome cu e competencia a trece hopi entusiasmo bou di e trahadonan, preparando pa e competencia.

E departamento di evento tabata preparando pa un actividad grandi cu lo bay tin y asina a menciona pa tin un gaita presente. Tabata na e momento ey a surgi e idea pa organisa un competencia di gaita pa trece e trahadonan hunto. E participantenan ta bini di diferente departamento di tur e hotelnan bou di e “brand” Marriott na Aruba.

Marriott a organisa su prome competencia di gaita bou su empleadonan

Marriott a organisa su prome competencia di gaita bou su empleadonan. Click e link pa mas https://24ora.tv/2LhIRjR

Posted by 24ora on Monday, December 2, 2019

E departamento di evento tabata preparando pa un actividad grandi cu lo bay tin y asina a menciona pa tin un gaita presente. Tabata na e momento ey a surgi e idea pa organisa un competencia di gaita pa trece e trahadonan hunto. E participantenan ta bini di diferente departamento di tur e hotelnan Marriott na Aruba.

Loke cu ta interesante den e competencia aki ta cu nan lo transmiti esaki “live”.

Ruthline Theysen, Complex Director Human Resources di Marriott tambe ta envolvi den e comision organisado di e prome competencia di gaita bou di trahadonan di e famoso hotel aki.  El a splica cu e evento aki ta pa habri e temporada di fiestanan di fin di aña. A habri e ballroom pa un lunch special pa e asociadonan cu a bay combina cu e competencia di Gaita. Y na mesun momento a entrega pia di ham y galiña cu tradicionalmente ta regala e empleadonan. Banda di esaki, como un muestra di gradicimento, tur empleado a haya un giftcard di 100 florin di un supermercado pa cumpra loke nan falta pa nan cena di Pasco na cas.  “Nos ta hopi entusiasma y gradici na e mas di 1200 asociadonan cu nos tin den servicio. E aña’ki a baha e cantidad di contratistanan pa tuma mas hende den servicio permanente,” Theysen a bisa. 

Aruba Marriott Resort & Stellaris Casino a habri na aña 1995 cu 411 camber. Na aña 1999 a habri Ocean Club cu 311 camber y na aña 2004 a habri Surfclub cu 900 camber. Na tur, e famia di Marriott Aruba ta consisti di mas o menos 1200 empleado den servicio directo y 400 empleado trahando via otro companianan den e compleho di hotelnan. E compleho di Marriott Aruba ta esun di mas grandi den henter Caribe, tanto den cantidad di camber como den cantidad di empleado.