Marlon Sneek: Vice Prome Minister ta hungando cu Prome Minister

Fraccion di AVP ta pidi pa gobierno duna claridad riba e situacion cu Venezuela, esta si frontera ta cera of e no ta cera, si e ta cera pa algun hende y pa otronan e no ta cera, tabata declaracion di lider di fraccion di AVP, Marlon Sneek a haci.

Segun sr Sneek cos ta bruha pas loke ta e situacion di frontera di Venzuela, ya cu mientras di un banda tin un compania di aviacion local ta anuncia vuelonan pa y for di Venezuela y algun dia despues Prome Minister Evelyn Wever Croes ta bin dilanti dialuna ultimo y sigura  cu frontera cu Venezuela ta keda cera.

“No ta prome bes cu e cosnan aki ta pasa, caminda Prome Minister ta bay riba un mini tour mundial y e Vice Prome Minister Otmar Oduber ta tuma cantidad di decision den su ausencia y e caso di habrimento di frontera di Venezuela ta otro mas den e serie aki.

 

AVP: Ainda enseñanza ta sin tin claridad

AVP: Ainda enseñanza ta sin tin claridad

Posted by 24ora on Tuesday, July 9, 2019

Fraccion di AVP ta bay dirigi un carta na gobierno pa haya aclaracion riba e situacion cu Venezuela, caminda doño di partido POR ta bisa cu diamars frontera ta habri pa su compania  W-Aviation por bula jetnan priva ,  anto di otro banda Prome Minister ta bisa cu frontera ta cera.

Nos kier claridad riba e situacion  aki , nos kier sa si ta bay privilegia hende atrobe pasobra den hopi medio di comunicacion nos por a sigui con e hendenan aki  a haya W-Aviation , cana rond bisa trahadonan eyden cu nan ta bay bira nan hefe nobo mientras cu ainda e envelopnan di destaho publico no a wordo habri.

Awor por scucha atrob e un tipo di expresion manera cu frontera a bay habri  pa W-Aviation  y pa tur otro hende e ta keda cera y e ora tin cu puntra que hubo di tur e otronan, manera esunan cu ta bende berdura cu fruta, cu pa hopi tempo no por a haya nan mercancia for di Venzuela y mester a cera nan negoshi, caminda mama y tatanan a perde trabou, a caso nan no ta conta ?

Of nan tambe por bisa cu nan tin ocho barco ta traha cune, duna permiso pa e ocho barconan ey pasa tog pero di con e ceramento di fronera no ta conta pa esunnan cu ta sponsor partido pero pa resto di pueblo nada ta conta, nada ta posibel.

Pa nos esaki ta inaceptabel  y pesey nos ta bay manda un carta pa pidi claridad riba e asunto aki  ya c’un caminda ta lesa cu diamars frontera cu Venezuela ta habri un otro caminda Prome Minister ta bisa cu frontera ta sigui cera.

Asina leu cu nos sa ta un frontera Reino tin y frontera  ta cay bou di ‘Buitenlandsezaken’ y pa e motibo aki nos no por compronde e tipo di expresionnan cu ta wordo haci pa loke ta frontera y nos kier haya claridad pa tur hende sa kico tin di berdad den esaki.

Si di berdad frontera ta bay  habri y pakico e ta habri  pa un grupo specifico y kico a para cu e islanan ruman cu tambe tin mesun situacion aki cu berdura y fruta no por yega pa nan comunidad  mientras cu aki na Aruba ta bay haci un excepcion pa cierto comerciante y nos kier sa si esaki ta berdad y di con,” lider di fraccion Marlson Sneek a declara.

Sr Sneek a mustra cu lo tin un carta cu ta mustra cu tin un decision riba e asunto di frontera pero Prome Minister ta declara cu e no tin conocemento di e carta aki.

Segun e lider di fraccion di AVP, Aruba tin un Prome Minister cu ta biaha hopi, cu e no ta na Aruba, anto su Vice Prome Minister mester cumpli cu su sponsornan anto ta e cosnan aki mester mira lus di dia, e tipo di bagamunderianan aki  caminda ora c’un Sali e otro ta core pasa documento bou man pa privilegia hende, nos mester sa si esaki ta berdad of no.

“No djis sali bin bisa cu e no ta berdad pero bisa e berdad completo y no bisa cu bo no tabatey, cu bo  tabata na Panama, despues bay Swisa, despues bo tabata na Hulanda, anto mi Vice Prome Minister a hunga un wega cumi y nos kier tin claridad riba e asunto aki ya cu ta imposibel cu ta bay habri frontera pa dos pa dos compania, pa dos sponsor, pa dos doño di partido anto resto di pueblo su interes no ta wordo atendi ya cu no por habri frontera pa haya fruta y berdura baratapa alivia e situacion crea pa mesun gobierno aki,” Marlon Sneek di fraccion di AVP a declara.