Marlon Sneek di AVP: Segun partido MEP Campaña ta un, Goberna ta otro

111

Partido AVP a tene su conferencia di prensa pa asina informa comunidad di diferente desaroyo.

Kwijtschelding

Por fin ta mira sra. Evelyn Wever-Croes ta recrifica, ta papia awe di kwijtschelding. Por corda grabacionnan unda cu ta papia palabra cla, unda cu Gabinete Eman ta ranca placa for di fondonan di SVB y a bay cu 61 miyon for di e fondonan y awe por mira cu e ta papia di kwijtschelding. Ta di lamenta, pasobra bo ta spera cu un hende, sea cu e ta haci algo pasobra e no sa miho, of door di maldad. Dene caso aki ta sigur cu e dama aki sa miho, pasobra tabata un ex inspector di belasting,dus e sa bon di cifra.Ta di maldad e ta haci’e.E ta purba di mal influencia comunidad. Sneek ta contento di mira con miembronan di prensa a haci pregunta y a sigui haci e trabao. A haci entrevista cu director di SVB y a bisa bon cla cu for di e fondonan di SVB ningun cen preto a bay direccion di Gobierno. Loke a pasa aki tabata un actividad, ”unkwijtschelding”, cual no ta di awe, ni di ayera, no ta di gabinete Mike Eman, sino for di e separacion di Antias, unda cu tabata tin un boedelscheiding, y tabata un suma hopi mas halto cu esaki, tin gobiernonan cu a paga y despues cu a trece tur e areglonan, a haci e saneamento den diferente fondo, entre otro fondonan di pensioen. E reservanan tabata cabando. A haci e cambionan cu mester a haci, mescos cu e fondo di malesa, tambe tabata den problema. Ora cu a atende cu tur esakinan, den e mesun ley aki a trece e parti di kwijtschelding. E ora SVB a cuminsa for di un comienso, cual awe por tin un SVB solido.

Keda pendiente pa e programa di partido cu sigur lo bay lansa esaki despues di entrega lista, caminda cu tur hende por bay mira cu un biaha mas cu e partido aki lo bay pone atencion pa nos grandinan, pa nos pensionadonan, manera cu a bin ta haci’e semper.

Como un partido cu ta para banda di esun cu ta mas debil den nos comunidad, con sr. Henny Eman a trece redoblacion di pensioen. E gabinete aki a traha riba un fondo di SVB cu awe ta solido y cu dos aña consecutivo por a haci un indexering pasobra e fondo ta solido pasobra el a wordo salba. For di gobierno mester bisa cu tur aña ta saca 22 miyon florin for di e fondonan di Gobierno pa duna un reparatietoeslag di 100 florin pa cada pensionado. Pensionadonan mester keda pendiente. E partido aki no ta uno di tira para, partido di djis bisa algo y keda sin haci’e. Manera cu e lider di MEP a bisa, campaña ta un, Goberna ta otro.

E partido aki, Campaña y Goberna ta mesun cos. Lo bay mira cu den e programa aki un biaha mas, partido di Pueblo Arubano lo bay buta atencion pa e pensionadonan, pasobra tur dia di nobo ta keda pensa kico por wordo haci pa garantisa pa esun ey cu ta mas debil den comunidad, pa e por sigui progresa.