Marlon Croes: Si tin urgencia prome cu mal tempo por email DOW

DOW a haci e rooinan limpi pero tin hopi ciudadano preocupa door di a mira sushi acumula. E procedura den caso cu un ciudadano tin un verstopping of topa cu e sushi por ehempel ta pa nan tuma contacto cu DOW.

ing. Marlon Croes, director di DOW, a indica den caso di fase di preparacion e ciudadanonan por manda un e-mail na nan departamento. Esaki ta drenta den nan sistema y asina por ubic’e pa por dun’e como prioridad, y hacie limpi.

DOW a haci tur chekeo un biaha mas di e rooinan y esaki ta mustra den bon condicion. Algun caminda nan a topa cu stoof benta den rooi, p’esey Croes ta pidi pueblo pa no tira sushi den e rooinan. Esey ta haci nan trabou mas dificil y consecuentemente si nan no kita esey e lo bay causa un molester p’e bisindario despues. 

E preocupacion cu a bin dilanti ta si coriente bay, unda mester meld cerca DOW. E director a indica cu por contact nan via e-mail si tin verstopping. Croes a indica cu ora coriente bay, ta perde comunicacion. Pero DOW tin un backup generator cu e sistema di IT cu lo por keda den bedrijf y nan ta keda depende di Setar si por duna nan internet pa ta accesibel.

Si coriente bay den su totalidad e number di contacto ta 594-5145 Daryl Lue. Pa manda e-mail na [email protected] of [email protected].