Mark Rutte: Aanwijzing a yega pa Corsou

Conseho di Mnister di Reino a tuma un decision, riba un proposicion di Secretario di Estado pa Asuntonan Interior y Relacionnan di Reino, Raymond Knops, pa duna un aanwijzing na Gobierno di Corsou.

E aanwijzing ta sigui riba conseho di Colegio di Supervision Financiero, cu den e ultimo aña a expresa su preocupacion riba e maneho financiero di Corsou y e aumento di e deficit den e presupuesto di e pais. E finansas sano di Gobierno, manera cu ta establece den e ley di Supervision Financiero di Corsou y St. Maarten, ta di gran importancia pa e desaroyo economico y e stabilidad di Corsou.

Tambe ta di sumo importancia cu Corsou implementa plenamente e reformanan structural necesario.

Hulanda ta realisa cu esaki ta rekeri tempo y ta dificil pa logra sin sosten. Cu e fin aki a yega na un acuerdo entre Hulanda y Corsou. A realisa acuerdonan riba e medidanan directo y e reformanan structural cu Corsou tin cu implementa pa reactiva su economia y pone na ordo finansas publico.

Esaki ta referi e areanan di economia, finansas publico, aparatonan gubernamental, siguridad social, cuido, educacion y mercado laboral. E sistema fiscal y e proceso presupuestario tambe ta wordo aborda. Awo ta importante ehecuta e acuerdonan energeticamente.

Aanwijzing a yega pa Corsou

Aanwijzing a yega pa Corsou. Click link pa mas https://24ora.tv/2LOPFXf

Posted by 24ora on Friday, July 12, 2019

Hulanda ta bay sostene e esfuersonan aki haciendo cu e conocemento y e capacidad ta disponibel. E sosten aki ta vincula na e progreso cu Corsou ta realisando den e implementacion di e acuerdonan inclui den e acuerdo mutuo. Ta evalua e progreso cada seis luna pa un comite conhunto cu ainda no ta conta cu personal.

Comments

comments