Maristella cu bunita donacion for di Fundacion Amor, Paz y Alegria

Dia di mama ta ey mes, diadomingo y e ancianonan di Maristella a haya un bunita donacion. Ta pa e motibo aki mes Gladys de Freitas, di Fundacion Amor, Paz y Alegria, a splica cu e idea di e donacion, ta bin for di un idea cu e tabata tin, tempo cu el a traha na la Cabana, caminda cu el a haya un proyecto den su man pa motiva 140 empleado pa participa den diferente proyecto den comunidad. E no tabata facil pa convence nan cu eyfo tin hopi hende ta den necesidad.

Pero a logra convence 140 empleado. Nan a participa den Community Projects di Ambiente Feliz, Imeldahof, San Pedro Paviljoen, Maristella y tur diamars nan tabata sali pa diferente instancia pa bishita nan y haci entrega di loke por a recolecta entre nan mes, pasobra no tabata tin fondo ni sponsor.

Ki ora cu bati porta, tabata un no. Pero asina mes nan no a give up y a sigui. Despues a haya e sorpresa cu de Freitas a wordo nombra pa AHATA como un supervisor di Community Project na Puerto Rico, cual e mester a biaha bay eynan y participa entre 1700 den Caribe.

El a wordo pasa riba big screen di tur e proyectonan cu el a haci na Aruba pa tur e instancianan. De Freitas a competi entre 1700 hotel, cual tabata great, pasobra ta siña conoce otro cultura, hotel, managernan y ta comparti ideanan cu nan.

Ora cu a menciona premionan, de  Freitas a wordo nombra como supervisor di Caribe, entre 1700 hotel na Puerto Rico, cual tabata un honor pa tur, pasobra no ta de Freitas so no ta gana e premio sino e team completo di e empleadonan na Aruba.

Despues di esey, ora el a bay for di La Cabana, el a sigui riba su mes, organisando songfestival di Gospel, pasobra semper ta pensa cu Dios ta bon, Dios ta maraviyoso y a organisa uno cinco aña pasa den Trappers Club cual tabata exitoso. Aña pasa a organisa na Centro di Bario Playa Pabao na December pa yuda Bibitopin cu tabata tin mester di un television grandi pa e muchanan cu ta special.

E songfestival no a bay bon, pero a logra toch nan meta di cumpli cu Bibito Pin. Awo e idea a bin door di un di e comisionnan, pa cuminsa sali eyfo y mustra cu nos grandinan mester di nos. Nos muchanan mester di nos. Nan ta bati porta pa busca sponsor, pero no ta haya. No ta give up, nan mes ta sigui riba nan mes y ta recolecta placa y asina nan a bay Maristella, pa celebra hunto cu nan Dia di Mama.

Nan a bay diferente hotel, pero esunnan cu a duna man ta Blue Condominium, Azurre Condominium cu hopi klechi, slopi, serbete pa nos grandinan pa Maristella, cual ta wordo dirigi pa Nicole Moeksi y Kimberly Tromp. Ora cu a bati na nan porta, nan no a bisa no.

Y diabierna a celebra cu e grandinan na Maristella, a entrega nan e donacion.