“M’a wak e rueda un rato y mi tin cu bisa cu nos minister-president ta totalmente out of touch. Totalmente perdi den un espacio, cu su so ta ‘den y cu e resto di pueblo, ful nos tur, ta den un otro realidad”, esey tabata prome reaccion di drs. Marisol Lopez-Tromp, lider di Partido MAS, ayera nochi para dilanti Dr. Horacio E. Oduber Hospital, despues di bishita su tata cu ta interna eyden.
“Ora m’a scucha su discurso, cada rato mi ta pensa, bon..ki ora e ta cuminsa cu loke e kier bisa awe nochi? Pasobra locual el a trece padilanti ta mas bien un discurso cu bo por rewind, aña pasa, anto pone e discurso aki prome cu eleccion of den e periodo di campaña, of net ora gobierno a forma. E ta contando manera un sprookje, con bunita gobernacion ta, kico cada minister ta haci, mientrastanto nos tur sa e realidad; costo di bida a subi, hende ta keha tur dia di prijsnan, problemanan den nos comunidad, ainda hopi hende no a sali for di pandemia, hende luchando pa haya trabou, etc”, asina e lider politico a enfatisa.
Pa lesa mas subi TREMPAN.
