Marisol Lopez-Tromp: Parlamento no tabatin ningun punto di desconfiansa

Desde juni Minister di Infrastructura, Desaroyo Teritorial, Infrastructura y Medio Ambiente drs. Marisol Lopez-Tromp tabata den e situacion cu su partido POR, unda cu tanto minister Bikker como e 2 parlamentarionan di POR a bisa di a kita confiansa for di dje. Na final no a entrega un mocion di desconfiansa, pero a entrega un mocion pa sostene investigacionnan di corupcion.

E mandatario a haya hopi pregunta for di e Parlamentarionan, pero no a duna su persona di conoce kico ta e desconfiansa. Partido MEP a haci preguntanan di loke el a topa den departamentonan y a comparti cu nan. Tambe el a splica di tur loke el a haci pa atende cu e asuntonan aki y hay’e den un situacion cu su propio partido.

Di dos tanda di reunion publico den Parlamento a caba. No a entrega mocion di desconfiansa contra Minister Marisol Lopez-Tromp

Posted by 24ora on Wednesday, September 2, 2020

E mandatario a pone trinta documento na disposicion, pero esaki ta procesonan cu a conduci na investigacion. El a sinti cu durante e reunion, Parlamentarionan a haci cu e documentonan no ta importante pero a splica nan cu ey por a mira e resultado final di hopi otro cos a sosode. E no por a pone cierto informacion ter inzage pa motibo di un investigacion y no kier stroba esaki. Tin kehonan di directornan y di e mandatarionan, pero el a splica nan di tur esaki.

Si Parlamentarionan tabatin obhecion, nan mester a trece esakinan dilanti. E unico mocion entrega ta esun cu ta sostene e trabou cu e mandatario ta haci pa actua contra casonan di iregularidad y corupto, pa asina entrega keho. E tabata kier un claridad di no solamente POR, pero di tur pa haya sa kico ta e desconfiansa. E mandatario no a bay reunion di conseho di minister, pero e ta traha. Nan no por yega kita cartera di un minister, pero legalmente no por haci esaki sin Parlamento. Loke nan a firma no tin base y esaki a bay Parlamento, unda cu nan a bay di acuerdo y e ora si tin base, el a splica.

No obstante e situacion cu el a haya su mes aden, Lopez-Tromp a sigui haci su trabou. A bisa di kita cartera for di dje, pero desde el a regresa for di Hulanda e mandatario a sigui traha. Su compromisa ta cu pais Aruba, cu pueblo, y e reunion aki tabata pa splica pueblo pakico e tabata den conflicto cu su partido.