Despues cu diamars anochi MEP den un reunion extraordinario a cancela tur confiansa den Minister Marisol Lopez-Tromp.
Despues di cuatro dia, finalmente Prome Minister Evelyn Wever-Croes a yama Lopez Tromp pa un reunion, kende a bisa cu e mes ta sinti cu a tarda pa yama e reunion pa papia riba e mocion y e crisis politico den Gabinete Wever-Croes.
Na su yegada Lopez Tromp a bisa cu e tin varios reunion pendiente, entre otro cu lider di Gobierno. E mes a bisa cu e asunto aki a tarda mucho, mirando cu ta bay haci un siman caba desde cu e mocion, legal of ilegal, a pasa. El a bisa cu e miho cos ta pa e mocion cana su caminda, cu ta un proceso hopi rapido pa mira kico ta bay pasa na final di e procedura.