Art van Beekhuizen ta e comandante nobo di Marinierskazerne na Savaneta, kende diaranson den oranan di atardi a keda instala.
Den un declaracion breve, el a bisa expresa cu tin algun proyecto cu a inicia cu e kier caba cu nan. Ta proyectonan cu tin di haber cu e siguridad y bienestar di e poblacion y e kazerne mes tambe.
Comandante van Beekhuizen a sigui splica cu nan t’ey pa duna sosten. Y si Ministerio Publico of polis tin mester di sosten, nan por pidi pa esey. Tin un procedura si pa esaki den esaki.
Aruba ta hopi diferente cu Hulanda, di unda e ta bin. E mester a laga su yiunan na Hulanda, mirando cu nan ta studiando. El a bin si Aruba hunto cu su casa. E isla riba su mes, di loke e por a mira, ta hopi bunita y e tas pera di por haci hopi cos bon pa kazerne y e isla durante su permanencia aki.
