Marinierskazerne Savaneta tabata presente na Fundacion Pa Nos Comunidad (FPNC) cu un donacion di cuminda. E encuentro y trahamento hunto tabata uno hopi leuk. Nan tabata riba un training na Merca, pero a stop mas trempan pa motibo di e crisis di coronavirus. E soldaatnan a regresa y a tene un reunion cu GGD di Aruba, unda cu tur a bay cas den cuarentena.
Pero a cumpra tur coy come y tabatin un programa cla. Un team a bin cu un idea leuk pa duna cuminda na hendenan cu mester di esaki. E crisis aki a dal hopi hende, specialmente esnan cu mester mas di dje esaki a dal nan mas duro, segun Gijs Schoe, Majoor na Marinierskazerne Savaneta. Pa nan esaki tabata algo bunita pa haci. Esaki tabata un oportunidad unda cu no mester a cushina pa nan mes, pero pa otro.
Nan a tuma contacto cu Centro pa Desaroyo di Aruba (CEDE Aruba) pa metanan bou pero tambe cu tin beneficiarionan. Di e manera aki CEDE Aruba a manda Marinierskazerne pa Fundacion Pa Nos Comunidad, cu ta e banco di cuminda di Aruba. Nan tabata entusiasma y e reaccion tabata uno positivo, pero tambe tabatin un ‘basis logistiek’.
Nan tabatin un sistema completamente cla pa duna cuminda na esnan cu mester di dje. P’esey Marinierskazerne por a cera un bon sociedad cu Fundacion Pa Nos Comunidad, e banco di cuminda pa parti e cuminda. Esey ta loke e mariniernan a haci. Di dialuna te cu diadomingo nan a duna mas di 200 y tin biaha 300. “Awe mi ta kere e tabata un tiki mas di cuminda cu ta yuda e banco di cuminda,” segun Schoe.
E banco di cuminda di su banda ta duna e hendenan cu mester di dje. Tabata bunita pa traha hunto y Marinierskazerne ta gradici e fundacion. Esaki ta algo bunita durante e momento di crisis y esaki ta e momento cu nos tur mester di otro. Si tur hende por haci algo, let op riba otro, y si tin mas hende cu por haci donacion na Fundacion Pa Nos Comunidad. E fundacion mester di hopi yudansa, pasobra e banco di cuminda di Aruba tin e hopi pisa na e momentonan aki. Cu un tiki di donacion, asina mes nan ta yuda hopi hende cu mester di esaki.
Marinierskazerne ta sostene nan te cu diadomingo, pero dialuna nan ta bay check e mariniernan y asina aki ta stop di cushina p’e fundacion. Asina aki lo sigui cu preparacionnan pa por duna pais Aruba e sosten durante e crisis aki.
