E siman cu ta tras di lomba, personal di cushina di Marinierskazerne Savaneta a prepara mas cu 1000 cuminda pa Fundacion Pa Nos Comunidad (FPNC).
Awo cu e mariniernan cu a bini di Merca a caba cu nan periodo di di 14 dia di isolacion, debi na nan participacion den un ehercicio internacional, e capacidad di cushina na kazerne ta hopi necesario.
Dr. Horacio Oduber Hospital a tuma e iniciativa pa prepara mas o menos 200 cuminda for di Defensa. Nan ta tuma e trabou over for di marinierskazerne Savaneta for di dialuna, 6 di april te cu diadomingo, 12 di april. Defensa den Caribe ta keda envolvi den e iniciativa aki. E militarnan di kazerne ta percura pa transporte di cumindanan pa e banco di cuminda.
Den forma simbolico a haci entrega materialnan pa uza den cushina ora cu ta prepara asina hopi cuminda pareu.
Un di e tareanan di militarnan di Defensa den area di Caribe ta pa apya autoridadnan local. Ora cu tin un peticion pa ayudo haci door di e isla, e militarnan por entre otro brinda ayudo na Cuerpo Policial pa mantene orden publico y siguridad, mantencion di toque de queda y e militarnan por yuda cu tareanan di vigilancia y siguridad.
Nan ta manda e mensahe pa tur hende mantene nan mes na e medidanan. Solamente hunto nos por den e lucha contra e virus COVID-10.
Awe e mariniernan a yuda den transporta e cuminda for di hospital pa e sede di FPNC.
Nan ta manda e mensahe pa tur hende mantene nan mes na e medidanan. Solamente hunto nos por den e lucha contra e virus COVID-10.
