Marina Real cu entrenamento na Noord

1481

Marina Real tabata den entrenamento cu e meta pa desaroya nan experticio y e biaha aki, nan ta haci’e na Aruba. Segun Mayor van Mariniers Dennis van Huizen, henter e personal di e di 32 escuadron cu ta ubica na Marinierskazerne na Savaneta ta participa.
E training ta tuma luga varios caminda na Aruba, entre otro na Noord cerca di Imeldahof, na Playa, caminda cu nan ta haci un scenariotraining. Tambe nan ta train na Palo Marga y tambe na Modanza.


Van Huizen ta sigui splica cu na prome luga e training ta pa mantene nan condicion. Tambe nan tin cu train den terenonan casi inaccesibel. E bunita ta cu na por haci’e na Aruba mes, pasobra e locacion ta casi mescos cu e terenonan caminda ta ubica nan den e area di Caribe.


Tambe traha hunto cu autoridadnan local manera brandweer, Cuerpo Policial entre otro. No solamente nan ta bezig cu entrenamento. Una bes cu nan ta cla cu e entrenamentonan aki, nan lo purba pa reconstrui nan mes riba diferente nivel. E proximo paso ta cu henter e escuadron train e tipo di operacionnan asina.
E ora tin cu pensa cu mas di 100 persona pareu lo bay ehecuta un operacion asina. Esey lamentablemente no lo sosode na Aruba, sino un otro luga.

Marina Real cu entrenamento na Noord

Marina Real cu entrenamento na Noord. Click e link pa mas https://24ora.tv/2tXq2gp

Posted by 24ora on Tuesday, January 28, 2020

E scenario


Parti di e entrenamento cu e mariniernan a haci diamars, tabata un operacion di un laboratorio di droga. Mayor Dennis van Huizen a splica cu den e caso aki nan mester bin aden pa asina detene nan.
A bin cu un plan pa haci esaki. Nan a haci uzo di e vehiculonan anaconda y na pia nan a acerca e obhetivo. Loke nan por a haya eynan, ta civilnan herida.
Tambe nan a simula un herido di nan propio banda, caminda cu mester a haci uzo di protocol medico.
Tambe a simula un civil herida, ki tipo di approach nan lo uza y den ki estado di stress, na momento cu nan topa cu un situacion asina.