Maribel Tromp: Test di antibody no ta valida y test di PCR ta e miho

1191

Laboratorio ta haci e test di anticurpa (antibody) pa Covid, pero e test aki no ta zuiver ainda, den terminologia ta bisa cu e no ta “gevalideerd” ainda. Rijksinstituut voor Volksgezondheid en Milieu (RIVM) a haci un investigacion riba diferente cu ta existi y a sali cu por haci uzo di dje, pasobra tin mas potencial of mas miho cu otro.

Den e situacion aki di outbreak un test di cirologia no tin hopi sentido, pasobra tin cu corda cu e test aki ta midi anticurpa forma ora a infecta cu Covid. Maribel Tromp epidemiologo di Lab Consult, a splica cu ta Aruba ta den e outbreak y loke kier haya ta e casonan activo. Ta papia di casonan activo di hendenan cu tin e sintoma awo, esnan cu ta malo, pa asina por tuma medida y isola nan.

Un test di cirologia no ta bay duna hopi informacion pa yuda cu esey. E test aki lo bisa hendenan cu a bira malo den pasado, asina el a expresa. Nan ta tuma un range di diescuater dia, esta na momento cu un hende bira malo y haya sintoma ta dura shete pa diescuater dia pa forma e anticurpa. Pa bay test e anticurpa no ta bay bisa mucho cos, pasobra e persona ta malo pero no a forma anticurpa. Tromp no ta kere cu esey ta un bon test aworaki pa uza.

Maribel Tromp: Test di antibody no ta valida y test di PCR ta e miho

Maribel Tromp: Test di antibody no ta valida y test di PCR ta e miho. Click link pa mas https://24ora.news/31IMTJi

Posted by 24ora on Thursday, August 13, 2020

E test di PCR ta di nanishi, mientras cirologia ta di sanger. Den e test di PCR por mira e cantidad di virus cu hende tin y den e curver di e test por mira riba ki dia cuanto virus e persona tabatin den slijm of celnan. E test di cirologia ta mescos, el a bisa. Door di e test di PCR aki nan por mira na ki fase un persona ta cu su enfermedad.

Tromp a splica cu pa bisa di ta Covid free na momento di a haci test di masa (e cantidad) y no tin mas caso raporta. El a mira esey na momento cu a stop di test y hopi hende no tabata presenta sintoma mas. Por ta e no ta circula mas, pero mester mustra esey den cifranan. E miho strategia na e momento ey tabata un test di masa pa bisa cu e no ta circula mas.

E ta recorda tur hende pa sigui e protocol di mantene e distancia di 1.5m, den luganan cera pa bisti mondkapje, mira bon cua te miho mask pa cada persona, laba man, uza hand sanitizer y mira con pa uza e mondkapje corecto. E meta ta pa stop e transmision y asina por yega cero caso.