Maria College cu proyecto special pa muchanan di klas dos

Maria College cu proyecto special pa muchanan di klas dos

Maria College cu proyecto special pa muchanan di klas dos

Posted by 24ora on Tuesday, April 16, 2019

Diamars Maria College tabata tin un proyecto special pa su alumnonan. Ta trata aki di “Maria College gaat op Reis”, specialmente pa klas dos.

Nathaly Richardson, docente di Ingles na Maria College, a splica cu a wordo crea pa cosnan cu por a mira na Hulanda. Hopi di e docentenan cu a studia na Hulanda a experencia esaki tambe.

Algun aña pasa a bin hunto y a bin cu e idea pa bin cu un cambio den e sistema di enseñansa, haciendo esaki mas interactivo pa e muchanan por wak tur cos cu nan ta siñando den klas, pa haci’e mas realistico.

Y pa nan por wak con e ta den bida real. E ora a dicidi pa tuma e concepto over. Scol, manera Mon Plaisir tabata haci’e prome. Richardson a haya algun informacion di nan prome y dado momento a haci’e pa tur idioma. E organisacion ta tuma basta tempo si, pero toch e ta leuk y interesante. Una bes nan drenta aden, nan ta haya scenario cu ta wordo planea, pero nan no sa kico nan ta bay haya. Una bes cu nan bin scol riba e dia mes, e ora nan ta haya tur e informacionnan.

E scenarionan ta wordo traha den forma di con lo ta den bida real. Ta duna nan cosnan cu lo retanan un tiki, pero riba nan nivel. Tur evaluacion cu ta haci, ta haci’e a base di un A2 niveau, pasobra esey ta e nivel hopi biaha ta rekeri pa muchanan di 2de klas MAVO. E nivel eynan tambe a wordo scogi for di Hulanda, pa e ora ey, ora nan yega 4de klas, nan ta un tiki mas miho prepara. Ora cu nan tin cu haci presentatie, no solamente pa mondeling, pero tambe pa ora nan tin otro cosnan manera lesamento di buki, luistervaardigheid, tur esey, pa nan tin un miho base den nan vocabulario, tanto den e vaknan manera Ingles, Hulandes, Spaño y Papiamento.

Yuda alumno

Segun Richardson, te asina leu a cuminsa cu cos chikito. Den 1ste klas a bin cu presentacion. Loke a sosode diamars, ta den forma di dialogo, one on one. Pero en bes di haci cu e docentenan, despues cu nan custuma, ta haci’e cu hendenan den comunidad. E ta bira asina mas interesante pa nan wak con e ta den realidad.

Den 3de klas e aña aki a cuminsa cu stage. Awo nan ta wak cu stage tambe ta rekeri cu nan tin entrevistanan one on one. Stel voor cu nan mester bay busca un trabao despues. Ta momento cu nan ta sali for di nan confort zone, pero no demasiado, unda cu nan por purba toch saca e miedo y purba di desaroya den e areanan cu nan ta hayando na scol.

Comments

comments