Maria College a tene su Science Fair, cual segun Daryene Valdink a bay hopi bon. Nan tabata tin varios mayor cu a bin, publico, mandatarionan tambe a bin bishita. Starbucks tambe a bin haci nan Community Event.
E feria a bay hopi leuk. A purba di algo nobo. Apart di e muchanan, nan a haci un tremendo trabao. Ta sinti cu nan mester crece. Aki tin nan a haya un espacio pa nan crece.
Valdink ta hopi contento y cu esaki por yuda pa nan vervolgopleiding. Sea cu nan bay Colegio of EPI, esaki por yuda nan den algo.
Huradonan tabata tin un trabao dificil. E huradonan ta hendenan cu ta den posicionnan halto y a keda trigger e conocemento di e muchanan.
Nan tabata spanta pero toch a haci nan best pa contesta tur cos cu e huradonan a puntra nan. Valdink ta spera cu pa otro aña, cu lo bay tin 5 derde klas, lo bay tin mas trabao, pero e lo ta mas leuk ainda.
